(Sequitur alia cantilena ad trepudium rotundum)

Stella splendens in monte ut solis radium
miraculis serrato exaudi populum.

1. Concurrunt universi gaudentes populi
divites et egeni grandes et parvuli
ipsum ingrediuntur ut cernunt oculi
et inde revertuntur graciis repleti.

2. Principes et magnates extirpe regia
seculi potestates optenta venia
peccaminum proclamant tundentes pectora
poplite flexo clamant hic ave maria.

3. Prelati et barones comites incliti
religiosi omnes atque presbiteri
milites mercatores cives marinari
burgenses piscatores premiantur ibi.

4. Rustici aratores nec non notarii
advocati scultores cuncti ligni fabri
sartores et sutores nec non lanifici
artifices et omnes gratulantur ibi.

5. Regine comitisse illustres domine
potentes et ancille iuvenes parvuli
virgines et antique pariter vidue
conscendunt et hunc montem et religiose.

6. Cetus hi aggregantur hic ut exhibeant
vota regraciantur ut ipsa et reddant
aulam istam ditantes hoc cuncti videant
iocalibus ornantes soluti redeant.

7. Cuncti ergo precantes sexus utriusque
mentes nostras mundantes oremus devote
virginem gloriosam matrem clementie
in celis graciosam senciamus vere.

Sources:

1. Llibre Vermell de Montserrat (edition nimmersêlich, 2005) - http://www.spielleut.de/Noten/Edition_Llibre_Vermell.pdf - with music scores, texts and German translations, based on the facsimile images in http://www.lluisvives.com/servlet/SirveObras/jlv/78004675091293806999979/

2. http://www.gaita.co.uk/llibre_sample.pdf